Gure konpromisoa
Hiriko aisialdiko eragileek elkarlanean sortu dute «Festaguneetan eta gaueko aisialdi pribatuko guneetan indarkeria sexistari aurrea hartu eta erantzuteko protokoloa», denondako eskubide berberak bermatzen dituen aisialdi-ereduaren alde egiteko (hemen deskargatzen ahal duzu).
Iruñeko festarako eta gaueko aisialdirako eragileok konpromisoa hartu dugu arlo honetan aldaketa bultzatzeko, eta indarkeria sexistari aurrea hartzeko, erantzuteko eta koordinaziorako eredu bat adostu dugu.
Badakigu irtenbidearen parte garela.
Iruñeko Udalarekin eta mugimendu feministarekin elkarlanean ari gara gure guneak indarkeriei aurre egiteko beharrezkoak diren tresnekin hornitzeko, indarkeria pairatzen dutenak babesteko, indarkeria hori erabiltzen dutenei aurre egiteko eta gizarte osoa engaiatu dadin bultzatzeko.
Badakigu, halaber, protokolo hau egin beharreko ibilbidearen zati bat baino ez dela, ibilbide hori luzeagoa dela, eta neurri gehiago hartu beharko direla. Hasteko, gure establezimenduek, langileek eta festarako eta aisialdirako proposamenek indarkeria mota oro gaitzesten dute, eta konpromisoa daukagu denon askatasunean oinarritutako aisialdiko esperientziak eskaintzeko.
Gainera, Eraso sexistarik gabe, Iruña aske estrategiaren beste egitasmo batzuen berri ere jakin dezakezu hemen.
Protokoloa
Printzipioak
- Emakumeen kontrako indarkeria desberdintasuna ardatz duen oinarri sozial eta kultural baten adierazpena da: hau da, gizonak eta emakumeak ez dira berdinak gure gizartean. Benetako berdintasunik ezak esperientziak aldatzen ditu eta arriskuak sortzen ditu emakumeendako.
- Ordena sozial eta kultural horren ondorioz, emakumeek eta gizonek ezberdin bizi dute aisialdiaren esperientzia.
- Uste dugu gure eginkizuna dela sexismoari aurre egitea arlo guztietan, sexismoa eragoztea eta jaien eta gaueko aisialdiaren beste eredu bat sortzen laguntzea: emakume guztien askatasun indibidual eta kolektiboa errespetatzea izan behar du oinarri eredu horrek.
- Festa-giroan egoteak ez du esan nahi eraso sexistak eta sexu-erasoak «saihetsezinak» direla. Ezein ospakizunetan ezin da onartu pertsonen eskubide eta betebeharrak deuseztatzea.
- Indarkeriaren lekuko izan eta esku hartzen denean, lehentasuna kaltetutako emakumeak artatzea, babestea eta haien erabakiak errespetatzea izanen da beti.
Helburuak
- Herritarrek, instituzioek eta gizarte mugimenduak indarkeria sexistari eman beharreko erantzun integral bat osatzea.
- Jarraibide komun eta bateratuak eskaintzea eraso sexisten aurrean jokatzeko moduari buruz, erantzun eraginkorra bermatzeko eta emakumea edozein modutan berriz biktimizatzea eragozteko.
- Hiri gisa emakumeen kontrako indarkeria borrokatzeko dugun jarrera irmoa berrestea, hala instituzioena nola gizarte mugimenduena eta gaueko aisialdiko eragileena.
- Emakume guztien askatasun indibidual eta kolektiboan oinarritutako festarako eta gaueko aisialdirako eredua sortzen laguntzea.
Agertokiak
Protokoloak aintzat hartzen dituen egoeren kudeaketa errazagoa izan dadin, erantzunen bat eskatzen duten bi agertoki ezarri dira
1 Agertokia - Eraso sexistak
Protokolo honen ondorioetarako, «Eraso Sexistatzat» hartzen dira emakume baten osotasun pertsonalaren eta askatasunaren kontra egiten diren larderiazko jokamolde guztiak: irainak, mehatxuak, ukituak (ukituak abusutzat hartzen dira, eta, beraz, sexu-askatasunaren kontrako delituen artean daude), eta uzkurtzera, izutzera, zerbait egitera behartzera, kontrolatzera eta abarretara zuzendutako ekintzak.
| 1. Behatu eta ikusarazi zeure burua |
|
|---|---|
| 2. Esku hartu |
|
| 3. Lagundu |
|
| 4. Baztertu |
Segurtasuneko langileei eskatu erasotzailea edo erasotzaileak identifikatzeko, edo zuk zeuk egin lokalean halakorik ez bada. Sartzea ukatzeko eskubidea erabili erasotzailea lokaletik botatzeko1. |
| 5. Ebaluatu eta Jakinarazi | Bete gertatutakoaren berri ematen duen fitxa erasoa dokumentatzeko. ociolibredeviolenciasexista@pamplona.es |
24 HORDUKO LAGUNTZA TELEFONOEN ZENBAKIAK
2 Agertiokia - sexu-erasoak
Protokolo honen ondorioetarako, eraso sexisten barnean, sexu-erasoak daudenean modu berezian esku hartzen da, baita sexuarekin edo genitalekin lotutako eraso fisikoak daudenean ere, eraso horiek inbasio fisikoarekin (sarketa) egin zein ez.
| 1. Behatu eta ikusarazi zeure burua |
|
|---|---|
| 2. Esku hartu |
Eraso baten lekuko bazara edo norbaitek eraso baten berri ematen badizu:
|
| 3. Lagundu |
|
| 4. Ez onartu |
|
| 5. Ebaluatu eta Jakinarazi | Bete gertatutakoaren berri ematen duen fitxa erasoa dokumentatzeko. |
